كلامك غير كلامى وايمانك افضل من ايمانى
وعقلك رزين وكلامك زين وكأنك لوحدك ملك المعانى
وترد وتتكلم وليك كله مباح وانا واللى زيى ببرود تهدروا دمى
واجى اتكلم واقول حرام الدم ده مصرى زي اخويا وابن عمى
تقول نسيت اللى ماتوا مننا واستشهدوا وكأنك احسن منى
ونسيت ان اللى مات ابن مصرى وانت قسمته عندك وعندى
وليه الفرقه كل ده عشان جماعه كل همها سلطه وكرسى
واما اتكلم وتغلب من الكلام تنهى كلامك وتقول انا مش اخوان
فوق يا مصرى وارجع زى زمان مسلم مؤمن بكل الاديان
وحد ربنا واشكر فضله وفكر واعقل كل الكلام والزم بيتك مهما كان
احمى اهلك وحافظ على عرضك ومتدخلش ما بينا جبان
بلد مرتزقه وناس متواطأه جايه تهد فى وطن روح وكيان
وخليك جنبى سوا نعلى ونبنى وخليك فاكر انا مش اخوان
ليست هناك تعليقات:
إرسال تعليق