السبت، 27 أكتوبر 2018
الجمعة، 26 أكتوبر 2018
السبت، 23 نوفمبر 2013
الوان .. اغنيه للاطفال
الوان ...الوان ..الوان
عايشين ما بين الوان
الوان كتير يا جدو ..فسرها بسرعه قوام
الوان حياتنا كتير ...قولي ايه اﻻلوان
ازرق
لون السماء الصافيه
عسلي
لون عنيكى يا بنتى
اخضر
لون الزرع في ارضي
بنفسج
لون الوردة بتاعتك
اصفر
لون المانجه حبيبتك
اسود
لون الفحم وعلمك
ابيض
لون علمك وقلبك
احمر
لون دم وﻻد بلدك
سال علي اﻻرض عشانك يروى ويحمي تراب ارضك
ودلوقتى ده دورك انتى تعلي وتبنى واوعى تهدى
واعرفي انك ﻻزم تدى وتزرعى خير فى كل مكان
جدى انت شفت جدك ؟
جدى انت شفت جدك ؟
ﻻ ما شفتوش بس حكوا لي عنه زمان
فى البلد كنت عايش وسط اهلى فى الغيطان
ويا ابويا وحبيبتى امى واخواتى واﻻهل والخلان
كنت عارف انى كبير صغير فى السن لكنى الكبير
اسمى علي اسم جدى ومن حكايات الناس عنه عرفت انه رجل خطير
كان رجل هماام ..شهم مش جبان ولاهل بلده يحب الخير
علي حصانه يلف البلد يسلم علي رجاله ويدعوا له بالخير والبنات يشوفوه من ورا الشبابيك وقلوبهم تطير وفى احﻻمهم يكون هو البطل والفارس اللي عليه العين
عرفت عنه ان الخير بيقعد وبيفضل سيره تتناقلها الناس حتى بعد ما الجسد يدوب ويبقي تراب تدوسه الناس
عرفت انه كان كبير قيمه ومقام وده خلانى احبه من غير ما اشوفه وارسمه جوايا فارس بحصانه وافتخر بنفسي واقول انى قوى مهما قاسيت وشفت اى صعاب ما تتشاف
وعرفت ان الجدور ﻻزم تتروى عشان يطلع الفرع شديد واللي بيروى الفرع للبنى ادم هى السيرة الطيبة ﻻهله اللي تفرحه ما تخجلوش ...وﻻزم ازرع الخير عشان يطرح خير لكل الناس .
الاشتراك في:
الرسائل (Atom)