اصرخ اسغيث هل من مجيب ... يا صاحب الحق نور الحق ساطع ماينطفيش
خد بأيدى شد عودى خلينى بأملك تورد تانى خدودى وتقول للظلم لا مش هتعيش
خلاص عرفنا وكمان فهمنا وصوت الحق على وبقوه قال بقوتى مبتهزمونيش
سكت مره وقلت اشوف هتبقى فى حريه وعداله اجتماعيه ولا ما فيش
لقيت مؤامره وناس متأمره فاكرين هيبقوا زى اللى كانوا وهياكلوا عيش
صرخت تانى وثرت وظهر جنانى لان اللى حصل قبله علم وعلمنى ازاى اعيش
حر مش عبد من غير دكتاتور ولا حتى ربع يوم اتخلقت بثورتى حر بجناحات وطلع لى ريش
هطير فى العالى واحقق كل حلم فى خيالى لمصر ام الغوالى واخليها تانى تعيش
بقلم اسماء محمد فخر الدين
حلمى لمصر بكره
جايين ناخد بأيدك يا مصر ما تخافيش
كلمات جميلة
ردحذفلكن نصيحة صغيرة حاولى انك تقطعي الكلمات زى ما هتلقيها بالظبط علشان تقدر توصل لأى حد.
استاذ على متشكرة جداااا بجد على تعليقك وحاضر نصيحه غاليه هحافظ عليها
حذفالله حلوة كتير
ردحذفتصدقي فكرت اني اخدها يقولها الطلاب عندي ف الاذاعة المدرسية ده بعد اذنك طبعا اية رايك ...؟
استاذة رحاب نورتينى بتعليقك
حذفواكيد موافقه انك تخليهم يقولوها فى اذاعه المدرسه ده انا ازداد شرفا بذلك